पञ्चेश्वरमा पनि मनाईयो जातीय भेदभाव तथा छुवाछुत उन्मुलन राष्टिय दिवस

बैतडी-बैतडीको पञ्चेश्वर गाउँपालिका आज जातीय भेदभाव तथा छुवाछुत उन्मूलन राष्ट्रिय दिवस मनाइएको छ ।

गाउँपालिकामा शुभकामना आदान प्रदान गर्दै जातीय भेदभाव तथा छुवाछुत उन्मूलन राष्ट्रिय दिवस कार्यक्रम मनाएको पोषण सहजकर्ता नारायण राम सार्कीले बताउनुभयो ।

दिवसको अवसरमा गाउँपालिका अध्यक्ष गोरख बहादुर चन्द र उपाध्यक्ष विना भटट् गाउँपालिका प्रवक्ता जनक बहादुर चन्द जनप्रतिनिधिहरू,लगायतले शुभकामना व्यक्त गर्दै जातीय छुवाछूत तथा विभेद विरुद्ध दृढतापूर्वक उभिनुपर्ने प्रतिबद्धता व्यक्त गर्नुभएको छ ।

सरकारले २०६३ साल जेठ २१ गते नेपाललाई जातीय छुवाछूतमुक्त राष्ट्र घोषणा गरेको थियो । त्यही दिनको स्मरणमा यो दिवस मनाउने गरिन्छ ।